Katangian ng isang BAGSIK

Anu-ano ba ang katangian ng isang BAGSIK? Mga katangian na madalas hinahanap ng mga kababaihan dahil alam nilang sila ang masususunod. Ito po ang mga natatanging katangian ng mga BAGSIK:

1. Magaling magluto - magaling magluto ang mga Bagsik, sila lagi ang naghahanda ng kakainin ng kanilang boss. Dahil kung dumating ang boss ng bahay at walang pagkaing naluto ay tyak na may gyera.
2. Maagang gumising lalo na kung weekend - maagang gumising ang mga BAGSIK, sila kasi ang nagluluto ng almusal at kung kinakailangan ay nag-iigib ng tubig. Mas maaga silang gumugising pag weekend dahil kailangan nilang mamalengke para sa buong linggo.
3. Matapang - matatapang ang mga BAGSIK, pinapakita nila na kaya nilang makipag-upakan kahit kanino. Matatapang ang mga BAGSIK dahil sila ang bodyguard ng kanilang bossing.
4. Malakas - madalas nag-eexercise ang mga BAGSIK, makikita mo sila sa gym o kaya tumatakbo sa mga park. At ang sikreto ng kanilang pagiging malakas ay ang pagbubuhat ng mga pinamalengke tuwing weekend (number 2) at ang pagbubuhat ng mga pinamili ng kanilang bossing. Minsan kung may lakad sya rin ang nagbubuhat ng mga bag (sa kanya sa kanyang boss).
5. Masipag - maliban sa pagluluto ay marami pang alam na gawaing bahay ang isang BAGSIK. Sya rin ang naglilinis ng bahay, naglalaba, at namamalantsa. Wala ng hahanapin pa ang isang babae pag nakatagpo ng isang BAGSIK. May BF ka na may maid ka pa.
6. Magalang - opo at po, ang mga magagalang na sagot na itinuro pa satin ng ating mga magulang. Madalas din itong gamitin ng mga BAGSIK pag kausap ang kanilang boss.
7. Masunurin - ang katangian ng mga BAGSIK na agad mong mapupuna at ang pinaka-importanteng katangian sa lahat, pag kasama ang boss makikita mo syang susunod-sunod lang, hindi sya pwedeng mauna. Ito rin ang pinaka-importante at dahilan upang maisagawa ang iba pa nyang katangian.